قبل 14 عامًا
نمول : ينصحكن بالسطل أثناء الولاده لتقليل المصاريف ؟؟؟
الخميس، 22 يوليو 2010 فضفضه
سجل عندك
كشف شهري مع سونار 25
25 ضرب 6 = 150
ادوية وعلاج 15 الى 20 كل شهرين تقريبا
المتوسط 17 ضرب 5 = 85
تخطيط قول مرتين
20 ضرب 2 = 40
واذا مرتك خيالها واسع وتتوحم على اشياء بعيدة
مثلاً رائحة جبل بدولة ثانية مثل ما سمعنا من البعض
فحط بحسابك تذكرة الطيارة
سجل عندك بعد العملية + الغرفة
600 العملية تقريباً
100 الى 170 الغرفة
نقول 150 الغرفة ضرب 5 ايام = 750
750+600 = 1350
و100 طشار مني مناك
واذا المدام حابة تولد بمزاج يمكن توصل التكلفة لــ 6000
عدة الفرخ نقول = 600 دينار
عدة المدام بعد الولادة نقول 150 بالنازل
عشاء للرجال ما يكلف وايد كلهم خروفين خذهم من (وزارة الداخلية)
واذا المدام حابة تتفنتق وتسوي بدال الاستقبال استقبالين
يعني نفس نظام المباريات ذهاب وعودة
هاذي يبيلها حسبه ثانية
الحين هذا كله مو مشكلة المشكلة انها تقولك شنو هديتي ؟
يبا هديتج اني ولدتج :)
لا وتقول لك بكل ثقة سولي الشي (الفلاني) وادعيلك وانا اولد
بابا انتي بتكونين مخدرة وانتي تولدين
لازم يدخلون الولادة بخطة الترشيد
بحيث اننا نقتصد مثل ما كانوا جداتنا يسوون, او انهم يطلعون فتوى تلزم المرأة بالولادة بــ طشت وترى ما تكلف شي اهو طشت + سطل + كرتونين ماي صحة يعني عشان تولد بماي فيه املاح معدنية
سخنهم وآآه وإييه ومبروووك جالك ولدك
فانتي ولدي بهذا ولج مني الي تبينه
الحسبة يمكن مو صحيحة اتوقع نسيت اشياء وايد مع هذا احمد ربك انك بتيب ولد مو دغفل (ولد الفيل) ولا جان صاروا التسع اشهر 22 شهر
واسمع احلى زئفة وزلغوطة للست نبوية
http://www.namoool.com/2010/07/blog-post_22.html
0 التعليقات على نمول : ينصحكن بالسطل أثناء الولاده لتقليل المصاريف ؟؟؟